23 April, 2010

ప్రక్షాళన.


లోక్ సత్తా  టైమ్స్ పత్రిక లో నా కవిత జనవరి సంచికలో ప్రచురితమైనది. కవితా  శీర్షిక  ప్రక్షాళన.
(20) ఇరవయ్యో పేజి )
దాని లింక్ :
http://www.loksatta.org/cms/documents/lstimes/lstimes-2010-jan-16-31.pdf


09 April, 2010

ఉచిత విద్య

చచ్చిపోతున్న ఆశలను  చిగురింపజేస్తానంటూ ఒక  చట్టం వస్తోంది సంజీవనిలా
ఉచిత  విద్య  ఇకపై బాలలందరి హక్కని వాదిస్తూ ఇస్తోందేదో భరోసా !
విజ్ఞాన జ్యోతులతో వెలుగులు విరజిమ్మే విద్యాభారతికి అవ్వాలిదే పునాది. .
పైసా ఖర్చు లేని చదువులే కావాలి  పేదింటి పసి వాళ్ళ పాలిటి  పెన్నిధి!

ఈ చట్టం కూడా అమలు కాని మరో  చెత్త కాగితం కాక ముందే,
భారత దేశపు బంగారు భవిష్యత్తు కోసం కేటాయించిన నిధులు
మరో సారి అవినీతిపరుల వలలో పడి విలువ కోల్పోక మునుపే..
ఛేధిద్దాం ఈ నిద్రాణ జాతిని బంధిస్తున్న నిస్తేజపు శృంఖలాలు

కలల్లోని నవ భారతాన్ని కళ్ళారా చూసేందుకు, గర్వించేందుకు...
మన స్వప్నం నిజమవుతుందని విశ్వసించేందుకు , నిరూపించేందుకు
ప్రభుత్వాలు-చట్టాలూ, నాయకులు, వాళ్ళ వెర్రి వాగ్దానాలూ  కాదు
నిస్వార్ధమైన ఆవేశంతో  పోటెత్తే ప్రజా ప్రభంజనమే కావాలి.. ఈ జాతిని గెలిపించాలి!!

జై హింద్..!!