10 October, 2016

ఆట

వేదనతో పగిలి వేదికపై
ఒరిగిపోయింది రాత్రి
నారింజరంగు పరదా
మళ్ళీ కొత్తగా రెపరెపలాడింది

సూర్యకాంతి సోకితేనే
కాలిపోయే తెల్లకాగితాలని
ఏ నీడలో దాచి కథ పూర్తి చెయ్యాలో
తెలియలేదతనికి

రంగునీళ్ళని బుడగలుగా గాల్లోకి వదిలి
మిట్టమధ్యాహ్నపు ఆటల్లో నవ్వుకున్నాడు కానీ
ఇంద్రధనుసు పగలకుండా ఆపడం
చేతకాలేదతనికి

అరచేతుల క్రింద ఇసుకను దాచి
ఆటాడీ ఆడించీ గుప్పెట తెరిచాక
వేలి క్రింద ముత్యపు ఉంగరమొక్కటే
మెరుస్తూ కనపడింది

కలలో కనపడ్డ బంగారు చెట్టుకు
ఊయలకట్టి ఊగుతూ నిద్రించిన సంగతి
ఎవ్వరికీ చెప్పకుండానే
వేరు ఎండిపోయింది

నారింజరంగు పరదా
మళ్ళీ రెపరెపలాడింది
ఒకరు ముందుకి – మరొకరు వెనక్కి-
నటనెవరిదైతేనేం- నాటకం సాగుతూనే ఉంది.

*తొలి ప్రచురణ : వాకిలి, అక్టోబరు-2016 సంచిక


6 comments:

  1. కవిత అర్థమయీ కానట్టు వుందండి - అలా వుంటేనే కవిత అందం అనుకోండి. :)
    ఒకరు ముందుకి – మరొకరు వెనక్కి-
    నటనెవరిదైతేనేం- నాటకం సాగుతూనే ఉంది.

    ఈ లైన్లు నచ్చాయి మరి :)

    ReplyDelete
  2. naku okka mukka ardham kaledhu, lalitha garu quote chesina aa rendu lines thappa ;)

    ReplyDelete
    Replies
    1. comeon, you can do it. :p
      arthamaite malli chaduvu,
      artham kaakapote arthamayye daakaa chaduvu
      ;)

      Delete
    2. This comment has been removed by the author.

      Delete
    3. chadiva, malli malli chadiva, kanthasthamaindhe gani, context bodha padaledhu..hint ivvamma chitty

      Delete
    4. ;) vaddannaa cheptaale. wait madi.

      Delete