ఇప్పుడంతా ...

డెస్క్ దగ్గర కూర్చుంటే,
కళ్ళకడ్డం పడుతూ -
స్టికీ నోట్స్.

చెయ్యాలనుకున్నవీ, చెయ్యలేకపోతున్నవీ.
అడుగున ఎక్కడో నీ సంతకం. 
మాటలతో పనిలేని గురుతులూ.

"నీకేమైందసలు?" 

ట్రిప్ అడ్వైజర్స్, గ్రూప్ ఫొటోస్
అరణ్యాలు, సముద్రాలు
పగలో రాత్రో, నిద్రపోని ఆకాశాలూ
నీ కళ్ళల్లో..

"ఏయ్! ఎక్కడున్నావ్" 

*
"ఎట్లా తయారయ్యావో తెలుసా!?" 

అడుగులకడ్డం పడే బొమ్మలు
పిల్లాడి అల్లర్లకి కుదురుకోని ఇల్లు. 

అద్దం మీద 
రవ్వలురవ్వలుగా రాలిపడే మంచు
ఎదురుగా నువ్వు. 

లోకం మన్నిస్తుంది. 
నిన్నూ నన్నూ,
ప్రేమనూ..

*

2 comments:

  1. This comment has been removed by the author.

    ReplyDelete
  2. స్టికీనోట్స్ గురించి ఎప్పుడూ నేనదే అనుకుంటానండి.
    ఇవి చరిత్ర రాయలేని చేతులు చమత్కారంగా రాసుకున్న వాస్తవాలని..

    ReplyDelete

ఆహ్లాదజనని

 ఆరేళ్ళ క్రితం ఇదే రోజు మధ్యాహ్నం ..కేర్ర్ మంటూ తన్నుకొచ్చాడు ఈ లోకంలోకి..నా లోకంలోకి. ప్రహ్లాద్ అన్న పేరు పెట్టినందుకేనేమో..పోయినేడు పెద్ద ...