కానుక

 స్పెషల్ రింగ్ టోన్ లేదు

ఊహించినదీ కాదు

గచ్చు మీద దొర్లే ముత్యాల్లా

ఫోన్ స్క్రీన్ మీద కదులుతూ

నీ పేరు...

*

" ఏం బహుమతి కావాలి?"

ఇంకానా!

కోర్కెలు రద్దయ్యే క్షణాల్లో

మాట మాటా ఓ దీవెన.

ఆవరించుకునే మౌనంలోండే

ఆత్మీయ సంభాషణ.

*

కోయిల పిలుపు.

గొంతు కలిపానంతే.

వసంతం నాదయ్యింది.

ఆకాశపు వెలుగు.

చేతులు చాపానంతే.

అదృష్టం జడివానైంది.

"ఏం కావాలి?"

ఏమీ తోచందే!

నమ్మలేని నిజం మధ్యలో

తలుపు తట్టి వచ్చాడు-

రూమి.